Den nächsten Wanterstage vum LCD ass vum 24. - 31. Mäerz 2018 op der Felseralm zu Obertauern. 

Léif Elteren, léif Schüler/innen,  

Mir, dat ganzt Wantersportteam, wëllen all de Schüler/innen op dësem Wee fir déi ustrengend, awer immens flott Woch e grousse Merci soen. Si hu sech alleguerten virbildlech beholl. 

Et mëscht eis ëmmer erëm Spaass, fir als Schoulgemeinschaft eppes ze organiséieren wann d'Schüler esou motivéiert sinn. Fir vill Schüler wär et den 1te Kontakt mam Wantersport a mir konnten hinnen no engem ustrengenden Dag/Woch d’Middegkeet, an awer och d’Freed ofgesinn.

Mir Begleeder haten all Freed, fir méi wéi 100% ze ginn. Sief et bei :

• den Ski- a Snowboard Coursen 
• dem Challenge-Cup
• dem Hütten-Gaudi
• d’Visite Salzburg
• der Therme-Amadé zu Altenmarkt 
• beim Sport op der Felseralm
• beim Zumba
• de Spill-Owender
• beim Grillen
• éischt Hëllef an dem Tapen
• administrativ Aarbechten
• beim Filmen a Fotoe knipsen
• an, an, an ...

Awer och d'Jugendlech hunn eis vill gehollef bei :  

• der Organisatioun op der Plaz
• den Ufänger bei de Schong undoen 
• DJ's an der Disco  
• Owes beim Gedrénks verdeelen oder am Restaurant 
• an, an, an ... 

Merci och den Elteren, datt dir eis Är Kanner 8 Deeg uvertraut hutt an datt mir mat hinnen zesummen dës flott Woch erliewe konnten.

Verletzter hate mer dëst Joer net vill. Deene puer awer eng gutt Besserung gewënscht.

Gäre kënnt dir eist Guestbook benotzen fir eis är Kommentaren an/oder Ureegungen mat ze deelen, sief et vun dësem Joer, oder wat mer fir déi kommend Joeren kënne verbesseren.

Vun eis all eng flott an erhuelsam Vakanz gewënscht.  

De Wocheprogramm zu Obertauern

D'Equipe LCD Obertauern 2015-16