Den LCD Dikrich a Miersch fiert vum 01. - 08. Abrëll 2017 op d'Felseralm zu Obertauern.



Salut zesummen, oder wéi mir zu Obertauern gesot hunn : « GUD-MOIE ».

 

Léif Elteren, léif Schüler,  

 

Mir, dat ganzt Wantersportteam, wëllen all de Schüler, déi sech alleguerten virbildlech an eiser Wantersportwoch beholl hunn, op dësem Wee fir déi ustrengend, awer immens flott Woch e grousse Merci soen.

 

Sou mëscht et eis Spaass fir eis als Schoulgemeinschaft eppes ze organiséieren.

Fir vill Schüler wär et den 1te Kontakt mam Wantersport a mir konnten hinnen no engem ustrengenden Dag/Woch d’Middegkeet, awer och d’Freed ofgesinn.

 

D’Begleeder haten all Freed fir vill méi wéi 100% ginn. Sief et bei :

  • de Ski- a Snowboard Kuren
  • individual Wantersport Kuren
  • dem Challenge-Cup
  • dem Hütten-Gaudi
  • d’Visite Salzburg
  • der Therme-Amadé zu Altenmarkt 
  • beim Sport am Hotel
  • beim Zumba
  • de Spill-Owender
  • beim Grillen
  • éischt Hëllef an dem Tapen
  • administrativ Aarbechten
  • beim Filmen a Fotoe knipsen
  • an, an, an ...

 

Och d'Schüler hunn eis vill gehollef bei :  

  • bei der Organisatioun op der Plaz
  • den Ufänger bei de Schong undoen am Skikeller
  • DJ an der Disco  
  • Gedrénks ausdeelen Owes an der Disco
  • an, an, an ... 

 

Merci och den Elteren, datt dir eis Är Kanner 8 Deeg uvertraut hutt an datt mir mat hinnen zesummen dës flott Woch konnten erliewen.

 

Dem Här David Jachec, dee leider eng méi schlëmm Verletzung mat heem geholl huet, vun dëser Plaz aus eng gutt Besserung gewënscht.

 

  

Gäre kënnt dir eist Guestbook benotzen fir eis är Kommentaren an/oder Ureegungen mat ze deelen, sief et vun dësem Joer, oder wat mer fir déi kommend Joeren kënne verbesseren.

 

An de nächsten Deeg kritt der och hei Informatiounen fir eise LCD Wantersport-Hoodie ze bestellen.

 

Vun eis all eng flott an erhuelsam Vakanz gewënscht.